| Bhojpuri Geet : भोजपुरी गाना हिंदी में
हमरे अँगनवा न बोलै सुगनवा, अँखिया मा सिसुकै परान ।
कहाँ गयी निबिया जवान ? निबिया के बिरवा कटाय दिहौ बाबा,
घर की चिरैया उड़ाय दिहौ बाबा । उड़िगै नयनवाँ सयान ॥ कहाँ गयी निबिया जवान ? निबिया कै चिफुरी चइलिया कै अगिया,
जरि-जरि होइगै कोइलवा से रखिया । लागै जहनवा मसान ॥ कहाँ गयी निबिया जवान ? सूनी है पुरई, सूने हैं पुरवा, सूनी देहरिया है,
सूने दुवरवा । सूने ओसरवा सिवान ॥ कहाँ गयी निबिया जवान ? दुधवा कै खिरिया लै ओखै मतरिया,
भूले से कगवा न बोलै अँटरिया । जइसे परनवा हेरान ॥ कहाँ गयी निबिया जवान ? – ©डॉ. दिनेश त्रिपाठी “शम्स” (पारस भ्रमर से) – प्यार के लिए शायरी और ग़ज़लें – Shayari and Ghazals for Love … |
